IRAKASLE FAMILIARRA

  Egindako testu guztiak oso desberdinak izanda, Einarren testua testua aukeratu dugu. Haren testuan irakasle batek hezkuntzan bete behar duen papera azaltzeaz gain arlo pertsonalean ere garatzen duelako harremana. Izan ere, hezkuntza maila egokia garatzeko, bai irakasleak, ikasleak eta indarrean dagoen sistemak elkar aritu behar dira, erlazio jariakor bat lortuz. Horretarako bakoitzaren garrantzia aintzat hartuz berdintasunetik eta elkarrenganako errespetutik.

Hona hemen testua:
   
  "  Hezkuntza ulertu behar da irakaslearen lanbidea ulertzeko. Gizarte bat eraikitzerako orduan ezinbestekoa da hezkuntza-maila egokia izatea eta horretarako guztion laguntza behar da. Administrazioak, irakasleek, ikastetxeek, familiek eta ikasleen lana batu behar da norabide berdinean joateko. Ildo berean, azken urteetan familiek garrantzia galdu dute bere seme-alaben hezkuntzan, eta hori berreskuratu behar da; etxean ere hezkuntza prozesua garatzeko. Hezkuntzaren ardura izan behar da umeak heztea, beti ere bere kabuz pentsatzeko gai izateko, haiek har ditzaten (txikitan gurasoen aholkuak jasoz, eta nerabezarotik aurrera bakarrik) beraientzako egokiak ikusten dituzten erabakiak.

  Gaur egun, oso gutxi baloratutako lanbide bat daukagu irakaslearena. Pertsona askok oso gauza erraza dela diote, eta opor egunak gehituz gero, jende askok gutxiesten du, bai lanbide eta baita gradua ere. Beraz, gizartean irakasleen eta irakasle bidean daudenen irudia ez da hoberena. Hala ere, oso gratifikantea da umeekin egotea, nola hezten diren ikustea, pixkanaka-pixkanaka beraien garapenaren zati bat izatea. Horretarako, umeekin erlazio ona egon behar da, afektibitatea landuz baina lagunak izatera ailegatu gabe ezta umeen intimitatearen muga zeharkatuz. Errespetutik autoritatea lortuz, beraien errefente izatera heldu behar da irakasle on bat. 

  Umeek ez dituzte nabaritu behar da irakaslearen egoera pertsonala, haiengan eragin zuzena duelako. Nahiz eta zaila izan, irakaslea (nahiz eta alai edo triste egon) umeetan zentratu behar da eta haientzat duen guztia eskaini, baloreen eta edukien aldetik. Izan ere, klasearen giroa egokia izan behar da guztion ehuneko ehuna lortzeko. Talde osoan eragina izango du norberaren egoera pertsonala. Hori dela eta, klase barruan gauzatzen diren harremanak egokiak izan behar dira, klasekide guztiek eroso sentitu behar dira taldean. Egoera ona somatzen denean klasean, ikasleei esan behar zaie hori dela bidea eta motibatu pixkat horrela jarraitzeko edo ahal bada gehiago emateko. Aldiz, klasean giro txarra badago, azkar bideratu jakin behar da klasea denok integratuta sentitzeko edo arazoa konpontzeko.


  Azkenik, irakasle bakoitzak bere metodologia pertsonala duenez, saiatu behar da ikasleentzako astuna ez izaten. Umeak aspertzen badira klaseetan, azkeneko emaitzak ez dira onak izango. Hori saihesteko, irakaslea klasea ematerako orduan dinamikoa izaten saiatu behar da, parte hartzea edota teknologia berrien erabilera sustatzen. Azkenengo xedea, umeak bere ikasgaia ganoraz hartzea izan behar da beti. Motibatuta egoteaz gain, ikasteko orduan ganoraz aritzerakoan askoz errazago izango zaie ikastea, gainditzea eta emaitza altuak izatea."

EINAR GALILEA AZACETA    46-01 LEHEN HEZKUNTZA

Irakaslearekin ikasitakoa (kontzeptu mapa)

Hautatze-mututasuna

    Mututasuna oso gutxitan ematen den arazo psikologikoa da. Non umeak jendearen aurrean hitz egiteari ukatzen dio. Hitz egiteko arbuiatze iraunkor bat sumatzen zaio, nahiz eta hizkuntza ulertzeko ez zaion inolako eragozpenik ikusten. Arazo hau pairatzen duten haurrek, testuinguru jakinetan eta pertsona zehaztuekin hitz egiteari uko egiten diote, hartara gainontzekoekin komunikatzeko bide bakarra keinuak dira.

    Badirudi, anabasa psikologiko honen zergatia gehiegizko lotsa izanagatik dela. Maiz, alde batera sentitzen diren haurretan gertatzen da ( isolamendu soziala), bakarrik sentitzen dira, eta gainontzeko kideak paregabeak balitz bezala ikusten dituzte, bera baino askoz hobe, hots, gutxiagotasun-konplexua nabaritzen zaie. Gainera, oso sentiberak dira, bere gurasoekiko interakzio izugarria dutenak , atxikimendu oso handia. Antza denez, nesketan ematen da gehiago.

   Bestalde, baliteke hizkuntza menperatzearen zailtasunak izanagatik, bere muin familiarrarekin zerikusirik ez duen pertsonekin hitz egiteari uko egiten dio. Izan ere, dislalia deritzona izan ohi dute normalki haur hauek, hau da, hainbat fonema ahoskatzeko zailtasun dituzte, hitz egiteko mesfidantza eragiten diotena.

   Era berean, adituen iritziz umeen isiltasuna, estutasun prozesu handi bati erreparatzen diote, non haurra hainbat egoera sozialen aurrean hitz egiteari uko egiten dio. Horretaz gain, umeak zapuztuta sentitzen dira, ezin ezer eginik, Beraz, ahalik eta lasterren irtenbide bat bilatzea komenigarria litzateke, gainerako umeen maila berean jarduteko, eta umeak bere kideekin alderatuz berdina dela sentituz.

Arazoaren irtenbidea tutorearen ikuspegitik

   Lehenik eta behin, haurraren arazoa zein den jakin behar dugu. Ondoren, umearekin pertsonalki hitz eginez, era lasai batean, umea behartu gabe. Esate baterako, jolasen bidez oso egokia litzateke haurrarekin lehenbiziko harremana izatea, berak bortxatuta senti ez dezan.

   Halaber, askotan oso garrantzitsua litzateke umeari hasiera batean ama-hizkuntzan hitz egitea, haurra seguruago sentitzeko (erdara baldin bada, erdaraz), ondoren harian-harian euskara edo dagokion hizkuntza barneratuz.

   Osterantzean, gainerako ikaskideekin hitz egin beharko genuke. Izan ere, makina bat aldiz bere adiskideek bere ordez hitz dute, umea babestuz. Horrexegatik, mututasuna pairatzen duen haurrari ez laguntzea garrantzitsua litzateke, umeak hitz egiteko beharra duela sentituz. Betiere, umeak hitz egiteko saiakerak sumatzen zaizkionean, indarguneak goraipatu behar dizkiogu, egiten dituen egitate positiboak indarberrituz.

   Bukatzeko, kasua muturrekoa baldin bada, profesionalek hartu beharko lukete esku auzian. Hots, ikastetxeko logopedak nahiz psikologoak, umeari laguntza berezia eskainiko diote, eskola-orduetan era indibidual batean lagunduz.

                                                                                                  Andoni Agirretxe

 Hona hemen hautatze- mututasunaren bideo interesgarri bat, mututasunaren zergatiak azaltzen diguna.

Hezkidetzaren mitoa

   Testu hau, hezkidetzari buruzku mitoa eta haren eboluzioa denbora zehar aztertzen du. XIX. mendeko azken herenean, hezkidetza eskaera batean bilakatu zen. Garai honetan baziren hainbat pedagogo, hezkidetza aldarrikatu zutenak. A.Manjon izan zen bide erakuslea, ondoren Ferrer i Guardia eta Rosa Sentat jarraiki. Baina bistan da, aipatutako pertsonai hauen ideología desberdina dela eta, hezkidetza ez zela kontzeptu bera norbanako hauentzat. Bakoitzak bere erara eta bere ideologiaren arabera interpretatzen zuen.

    Denbora aurrera zihoala, eskola mistoa (neskak eta mutilak espazio físiko berean elkartzeak, gizontasuna emakumetasunaren gainetik dagoenean eguneroko bizitzan) ezartzeko saihakerak ezer ezean gelditu ziren frankismoarekin.Izan ere, eskola mixtoaren esperientziek eta eskaerak, abolitu egin ziren “Movimiento Nacional” izeneko sistema pedagogikoren kontra joaten zelako. Hua da, frankismo garaian heziketa bananduaren alde egin zuten, artifizialki neska eta mutilak bananduz.

   Gaur egun aldiz, hezkidetza sexuen arteko berdintasuna defendatzen du. Non eskola, ideologi erreprodukzio tresna gisa erabili ohi da. Egun, helburua ez da emakumeen zein gizonen arteko desberdintasunak bateraztea, baizik eta sexu bien arteko berdintasuna onartzea, neskak eskolan pairatzen duten diskriminazioa alde batera utziz.

Kirolaren garrantzia hezkuntzan

  

   Dakigunez, gaur egungo hezkuntza sistema honetan, hezkuntza fisikoa ohiko irakasgai gisa hartu dute ikastetxeek. Izan ere, kirol jarduera haurrentzat gizarteratzeko baliabidrik garrantzitsuena da.Gainera bai kognitiboki bai fisikoki euren garapen pertsonalerako onuragarriak izango diren gaitasunak sustatzeko balioko du. Ikasle bakoitzak bere muga non duen ikusita, denbora pasa ahala lanarekin oztopo horiek nola igaro eta gainditzen duen ikusiko du, bere arlo emotiboari eragiten dioena, hau da, norbanakoaren erronka pertsonalei begiratuz, nola bere burua gainditzeko gai izango den. 

    Bestalde, ikastoletan lantzen den jarduera fisikoko irakasgaia, presio psikologikoaz salbuetsita dago, izan ere, goi mailako kirolarekin zerikusia ez dauka. Goi mailako kirolean lehiatzen dugunak, badakigu, azken helburua eta helburu bakarra IRABAZTEA dela. Haa da, azken emaitzak prozesuak baino eragin garantzitsua hartzen du.

Eskola kirolan aldiz, ikusten dugu nola irabaztea bigarren mailan dagoela, eta emaitzan haraindi badirela hainbat faktore berebiziko garrantzia dutenak:

- Lankidetza eta lan kolektiboa emaitzaren gainetik egongo dira

- Ikasleek disfrutatzea eta kirolarekin harreman zuzena izatea

- Izaera trebetasuna eduki, hau da, parte hartzea ezin da ezarri trebetasuna, sexua eta diskriminatzaileak eta beste faktore batzuen arabera

- Norbanakoak bere gaitasun fisikoen arabera arituko da, guztiak berdinak izanik

Heziketa fisikoa umeen garapen pertsonalerako zer nolako garrantzia duen ikusteko video bat utzi dizuet hemen!

The Pseudoscience of Single-Sex Schooling

Testu honek, heziketa segregatuaren kontra jotzen du (1972an hezkidetzaren aldeko legea egin zen Estatu Batuetan, diru publikoa jasotzen zuten ikastetxeei segregazioa debekatuz), ez daudelako arrazoi sendorik sexuen arteko bereizketa gauzatzeko. Askotan, hezkuntza segregatua ematen den eskoletan emaitzak hobeagoak izaten dira. Dena den, azterketa zehatzago bat eginez, ikusten dugu hainbat aspektu emaitza hoiek azaltzeko, sexuari ez dagokionak, adibidez, bizi-maila altuagoa eta baliabide ekonomiko hobeagoak izatea, edo eskola hauek zorrotzagoak direla.Zientzia mailan, ikasteko gaitasuna desberdina da neska eta mutil baten artean, baina horrek ez du esan nahi orokorreko emaitzak alde batean txarragoak direla, baizik eta desberdinak puntu zehatz batzuetan.

Hezkidetzaren kontra daudenen artean, horrelako argumentoak erabiltzen dituzte kritika zorrotza egiteko:
- Klase mixto batean irakasleek denbora gehiago eskaintzen diete umeei, neskak albo batera utziz.
- Bi sexuen arteko elkar lana normalean ez da ematen eta talde-lanak sexuaren arabera egiten dira, mutilak mutilekin eta neskak neskekin egonda.

Dena den, oraindik, nahiz eta klase berean mutilak eta neskak elkartzen diren, ez da helburura ailegatu. Hezkidetzaren xedea izan behar da umeek desberdintasunik ez ikustea mutil eta neska baten artean. Inolako arazorik ez izatea beste sexuarekin "bizitzen" egunerokotasunean, eta horretarako, lan gehiago behar da.

GATAZKEN KUDEAKETAREN HAUSNARKETA

  Gatazka bi ideien edo beharren arteko talka dela esan dezakegu. Betidanik egon dira gatazkak bizitza sozialean, beraz ez dira ezkutatu behar. Gatazken existentzia onartzea izan behar da lehenengo pausua honi konponbidea bilatzeko.

  Gaur egun mutilen artean nesken artean baino gatazka gehiago sortzen dira. Bistan da gatazkak ez direla negatibotzat hartu behar, izan ere, askotan konstruktiboak izan daitezke. Gatazkak ez dira nahitaez biolentziaz gauzatu behar, modu asko daude gatazka bat era onuragarrian konpontzeko.

   Gatazka aurkitu ondoren egin behar dugun lehen gauza gatazka bera txikiagotu, garrantzia kenduz, egoera hoztuz, baretuz... Horretarako irakasleak lasaitasunez jokatu behar du, bi aldeekin egon eta norbanakoen ikuspuntua entzunez, horrela bitartekari lana eginez. Beraiekin bilera bat lortu behar du arazoa konpontzeko.

    Behin biekin egonda, arazo horri konponbidea aurkitu behar dio. Horretarako haurren kolaborazio eta konpromezua ezinbestekoa da. Bilera modu egokian garatzeko, bakoitzak bere ikuspuntua adierazi beharko du, bestearena ulertu eta konponbidea bilatu non amankomuneko akordio batera heldu behar dira, non bi aldeek irabazten duten.

Landu beharreko testuak

1- http://www.sciencemag.org/content/333/6050/1706.short

2- https://docs.google.com/file/d/0B-pN2-NxgiVgZ3MyV3dCdEtnQ28/edit?pli=1

3- http://www.quadernsdigitals.net/datos_web/biblioteca/l_6837/enLinea/10.htm

4- http://www.csi-csif.es/andalucia/modules/mod_ense/revista/pdf/Numero_16/ANA%20BELEN_SANCHEZ_2.pdf

Testuak hemen posteatu ditugu, taldekideak eskura ditzaten.

Gatazken Kudeaketaren posterra

Hona hemen landu dugun posterra:

Hausnargai - Experimento de Robert Rosendhal

Lehenengo experimentua, edo trebetasuna, Willhem Von Osten eta bere zaldiarena (Hans) ohikoa ikusten dut gaur egun, daudelako gauza berdina egiten duten txakurrek (kolpeak eman ondoren, zaunka eginez). Egia esateko, nik animalien adimenean sinisten dut, eta agian Hans zaldiaren kasuan ez, baina beste batzuetan animalien adimena berebiziko garrantzia du emaitzetan. Dena den, beste pertsona edo animali batean konfiantza asko izaten baduzu, berari modu batez edo bestez aurkeztuko diozu, nahigabe izanda ere, eta beste izakiaren arabera eragin positiboa izango du edo ez (sentimendu hori hartzeko gai ez bada).

Hori ikastetxetan ere gertatzen da, irakasleak ikasleenganako konfiantza badu eta haiek konfiantza hori jasotzen badute, modu positiboak isladatuko da emaitzetan. Hortaz, ikasleei ez zaizkie etiketak jarri behar, batzuk jakintsuak eta beste batzuk alferrak direlarik. Beraz, ikasle guztiei berdintsu azaldu behar diegu gure konfiantza eta ziur aski, bere emaitzak asko hobetuko dira haiek konfiantza hori jasotzen badute.

Azkenik, esan behar dut teorian oso ondo dagoela hau esatea baina praktikan jartzea oso zaila iruditzen zait, inkonstzienteki sailkapenak egiten ditugulako gure barnean eta ez ditugu berdin tratatuko "8"ak ateratzen dituzten ikasleek eta "4"ak aurkezten dituztenei

Taldekidentzat materiala

Besterik gabe, hemen uzten dut gaurko klasean (Tutoretzaren ingurukoa) landu dugun materiala, guztiok eskura izateko nahi dugun momentuan.

Eusko-Jaurlaritza : http://www.hezkuntza.ejgv.euskadi.net/r43-2459/eu/contenidos/informacion/dig_publicaciones_innovacion/eu_otrosamb/adjuntos/910001e_Pub_BN_plan_tutorial_prim_e.pdf

Slideshare : http://www.slideshare.net/b06lehen/tutoretza-presentation

Robert Roshentalen experimentua

Roshentalek hainbat experimentu egin zituen bere bizitzan zehar. Hans azkarra deituriko zaldiaren jarrerak aztertuz,  bistan da, animalien eta gizakien arteko atxikimedua handia dela. Hans erantzun zuzen horiek egiteko, laster ohartarazi zen gizakien jarrerak kontuan hartuz, nahikoa zitzaiola erantzunak zuzen egiteko. Benetan experimentu hau, erabat harrituta utzi didala.

Bestalde, irakasleen tratuaren desberdintasuneei dagokionez, ez dago dudariik, arazo hau gaur egun hezkuntza sisteman pil-pilean dagoen arazo bat dela, izan ere, irakasleek, maiz, ikasleen gaitasunen arabera jokatzen dute. Printzipioz, "ikasle on" horiek tratu desberdina dituzte; ez diete errieta handirik botatzen, nahiz eta etxeko lanak ahaztu negatiboak ez diete jartzen... Egoera mespretxagari hau nire larruetan pairatu izan dut, non irakasle askok, ikasleekiko faboritismoak erakusten dituzte, gainontzeko ikasleen arreta alde batera utziz.

Beraz, irakasleek eskatzen duten errespetua eta berdintasuna bermatzeko, garrantzitsua litzateke irakasleek ikasleekiko tratu berdina izaten, irakasleen artean desberdintasunak ez egiteko. Horrela ikasle "txar" horiek, bere partez gehiago jarriko lukete eta motibazio eta interes handiagorekin etorriko ziratekeen klaseetara.

Taldeko errubrika

ERRUBRIKA	Eskaz <5	Nahiko 5-6	Ondo 6-8	Bikain 8-10
Puntualitatea	Askotan edo gehienetan berandu iristea bileretara, bilera mostuz.	Batzuetan berandu iristea, baina gutxigatik. (5 minutu inguru).	Gutxitan ezik, bileretara puntual iristea.	Beti puntual iristea.
Errespetua	Askotan egoten dira gatazkak eta ez konpontzearen ondorioz giro txarra dago taldean	Gatazka ugari sortzen dira taldekideen artean baina azkenean giro minimoa mantentzen da.	Salbuezpenak kenduta, giro ona mantentzen da taldekideekin. Gatazkak egonez gero ondo konpontzen dira.	Gatazkak ekidituz eta giro ona mantenduz primerako giroa dago taldekideen artean, elkar erespetatuz.
Elkarlana	Ez dago kolaborazioa taldekideen artean eta orduan edo, lana ez da egiten edota batek lan guztia egiten du.	Beharrezkoak diren gauz minimoetan taldekideen arteko kolaborazioa ematen da.	Salbuezpen gutxi batzuk kenduta, gauz guztietan kolaboratzen da.	Primeran kolaboratzen da lan guztien garapenean.
Adostutako lana betetzea	Bakoitzari dagokion lana ez da egiten eta beraz ezin da lan orokorra egin.	Nahiz eta batzuetan bukatu gabe edota gaizki, bakoitzak adostutako lana egiten du.	Batzuetan ezik, bakoitzak bere lana egiten du modu egokian.	Bakoitzari dagokion lana beti egiten da modu egokian, taldeko lana primeran eginez.

Hezkuntza guztiontzat eta doain

Txikiak zirenean beraiek ere ikasi nahi izan zuten...

Amanda Todd

Amanda Todd, 15 urteko gazte kanadiarra da. Honek, duela bi egun bere buruaz beste egin zuen, "bullying" arazoak zirela eta. Diotenez, urte asko zeramatzan horrelako arazoekin, eta nahiz eta ikastetxez aldatu, facebooken eta interneten akosoak jasotzen jarraitzen zuen (bere titien argazkiak sarean baitzeuden). Egoera horretan, Amanda alkohola eta drogetan ere sartu zen, errealitateaz ihes egiteko nahian. Ezinezkoa zuen bizitza lasai bat eramatea eta azkenean, Youtubera bideo bat igo ondoren, bere buruaz beste egin du.
Goian Bego Amanda.
http://www.gentevalencia.com/noticias/amanda-todd-de-15-anos-se-suicido-despues-de-sufrir-bullying/16919/

El Mal Del Cerebro: Lehenengo atala "Cerebros reparados"

"El Mal del Cerebro" deitutako dokumental baten lehenengo atala daukazue. Gaixotasun neurologikoak dituzten pertsonei, elektrodo bat sartzen diete burmuinean bere bizitza errazteko. Sekulako garrantzia du elektrodo edo mikrotxip batek gaixo hauen bizitzan. Era berean, nora ailegatu den zientzia aztertu dezakegu, esate baterako, gaixo baten jarrera aldaketa mikrotxip hori piztuta daukanean eta itzaltzen duen arteko diferentzia harrigarria ikus daiteke bideoan. Benetan interesgarria!

Mayen Hezkuntza

Aurrean dugun bideoa mayei buruzko hezkuntzei buruzkoa da, non gainontzako kulturen hezteko era argi ta garbi ikus dezakegu,erabilako metodologia, jarrerak, ohiturak..  espero dut gustukoa izatea!

Muy Bastos

http://muybastos.wordpress.com/2012/09/

BIC TALDEA

Bic taldea ! Einar Galilea, Aitor Barrio, Andoni Agirretxe